https://amzn.to/46sNAa0
નાનું સરખું ગોકુળિયું
મારે વ્હાલે વૈકુંઠ કીધું રે ,
ભક્ત જનોને લાડ લડાવી
ગોપીયો ને સુખ દીધું રે ,
ખટદર્શન ખોળ્યો ન લાધે,
મુનિજનને ધ્યાન ના’વે રે,
છાસ વલોવે નંદ ઘેર વ્હાલો
વૃંદાવન ધેનુ ચરાવે રે ,
વણ કીધે વ્હાલો વાતો કરે
પૂરણ બ્રહ્મ અવિનાશી રે,
માખણ કાજ મહિયારી આગળ
ઉભો વદન વિકારી રે ,
બ્રહ્માદિક જેનો પાર ન પામે
શંકર કરે ખવાસી રે ,
નરસૈંયાનો ભક્ત તણે વશ
મુક્તિ સરીખી દાસી રે ,
Nanu Sarkhu Gokudiya Lyrics