નાગર નંદજીના લાલ, નાગર નંદજીના લાલ,
રાસ રમંતાં મારી નથડી ખોવાણી ,
કાના’ જડી હોયતો આપ,
રાસ રમંતાં મારી નથડી ખોવાણી ,
નાની નાની નથડી ને મહી જડેલા મોતી,
નથડી કારણ નૃત્ય કરું જોતી જોતી ,
નાની નાની નથડી ને મહી જડેલા હીરા,
નથડી આપો ને મારા સુભદ્રાના વીરા ,
નાનેરી પહેરું તો મારે નાકે ના સોહાય,
મોટેરી પહેરું તો મારા મુખ પર જોલા ખાય ,
આંબે બોલે કોયલડીને ને વનમાંબોલે મોર,
રાધાજીની નથડીનો શામળિયો છે ચોર ,
નથડી કારણ મેં તો ઢૂંઢ્યું છે વૃંદાવન,
નથડી આપોને મારા પ્રાણ, જીવન ,
નથડી આપોને પ્રભુ નંદના કુંવર,
નરસૈંયાના સ્વામી ઉપર જાઉં બલિહાર ,
Nagar Nandji Na Lal Lyrics
Narshih Maheta Bhajan Lyrics
Related
error: Content is protected !!
