આજ મારા નયણા | Aaj Mara Nayana Safal Lyrics | Narshi Maheta bhajan Lyrics

આજ મારા નયણા સફળ નાથને નીરખી ,
સુંદર વદન નિહાળીને મારા હૈયામાં હરખી,

જે રે મારા મનમાં હતું વ્હાલાએ કીધું ,
પ્રીતે પ્રભુજી પધારિયા આવી આલિંગન દીધું,

વહાલો મારો વિહારીલો તેહને જાવા ન દિજે,
હાથ થકી નવ મુકીયે અંતરગત લીજે,

કાલીન્દ્રીને કાંઠડે હરિ નાચે ને ગાયે,
સ્વર પુરે સર્વ સુંદરી અતિ આનંદ થાયે,

ધન્ય જમુનાનો તટ ધન્ય વ્રજનો રે વાસ,
ધન્યભાગ્ય આ ભૂમિના વ્હાલો જ્યાં રમ્યા રાસ,

અંતરિક્ષ દેવતા સહુ શોભા જોવાને આવે,
પુષ્પવૃષ્ટિ તહીં થઈ રહી નરસૈંયો વધાવે,